Pages Menu
Categories Menu

Posted by on Nov 1, 2012 in Information in Other Languages, Uncategorized |

Po’o avea lau kamupani eletise ma ‘auala e o’o atu ai ni fa’afitauli i lou soifua maloloina?

I le tele o vaega o Niu Sila o lo’o ua fa’afeso’ota’i atu kamupani eletise ia i latou o lo’o fa’atau atu a latou eletise mai nei kamupani, o lo’o fuafua nei e fa’afesuia’i mita tuai ini ‘mita fou maoa’e’.

Peita’i o nei “mita fou maoa’e” e fa’aaoga ai le malosi fa’aatomika e fa’ailoaina atu ai ia fa’amatalaga o eletise o lo’o fa’aaogaina e a latou tagata o lo’o fa’atauina a latou eletise mai nei kamupani.

O lo’o ta’u atu e kamupani eletise i nei tagata fa’atau eletise mai ia i latou, e saogalemu nei “mita fou maoa’e” aua o le malosi fa’aatomika o lo’o fa’aaogaina e fetaui ma le malosi o lo’o fa’atagaina e Niu Sila i ana taulafono mo le saogalemu o tagata.

Ae peita’i la, o tulafono mo le saogalemu a Niu Sila ua matua tuai lava ma le le talafeagai mo onoponei; aua ua na ona fuaina o le malosi e fa’avevelaina ai mea pei o le paoa fa’aatomika i ogaumu fa’avevela mea’ai (o microwaves), ae fa’agalo ma le fa’aaogaina su’esu’ega o lo’o ta’u mai ai e matua la’ititi lava se malosi o le paoa fa’aatomika e a’afia ai soifua maloloina o tagata.

O le ‘upu moni, e fa’avasegaina e le fa’alapotopotoga a le lalolagi mo su’esu’ega ua ta’ua fa’aperetania o le “World Health Organisation’s International Agency for Research on Cancer (IARC) le malosi o le paoa fa’aatomika o lo’o fa’aaogaina i microwaves e fai ma ‘auala po’o mafua’aga e fa’atutupu ai kanesa ona o su’esu’ega na faia ma ua fa’apea ai o le fa’aaogaina so’o o telefoni fe’avea’i ua fai ma ala e maua ai kanesa i le fai’ai.

http://electromagnetic-health-blog/iarc-rf-carc/

O le fuafuaga la e fa’apea e fesuia’i mita tuai ma “mita fou maoa’e” o le a avea ma fa’afitauli i le soifua maloloina o tagata lautele.

O Fesili e masani ona fesili ai nisi tagata:

Fesili:         O fea ou te maua mai ai ni fa’amatalaga e uiga i fa’afitauli o le soifua maloloina e ‘auala mai i “mita fou maoa’e”?

Tali:           Asiasi ane i luga o le komepiuta www.stopsmartmeters.org.nz

Fesili:         O le a sa’u mea e fai pe afai ou te le mana’o e fa’afesua’i la’u mita tuai i se “mita fou maoa’e” e la’u kamupani eletise?

Tali:           Ta’u i lau kamupani eletise e te le mana’omia se “mita fou maoa’e”. Ia e mataala ina ne’i mea ua tuli ane seisi e fa’apipi’i ma fa’afesuia’i mita po’o lou mana’o iai pe leai. Afai o lau mita e tu i fafo o lou fale, ona loka lea o le pusa mita ina ia le mafai e seisi ona fa’afesuia’i mita ae e te le o i lou fale.

Fesili:         O lea ua iai la’u “mita fou maoa’e”. E mafai ona ‘ave’ese ae fa’afesua’i ma se mita tuai?

Tali:           E fa’alagolago la le tali i lau kamupani eletise. Ua iai se kamupani eletise se tasi ua le mafai ona taliaina ni talosaga se tele e ‘ave’ese “mita fou maoa’e”. Afai e le fesoasoani lau kamupani eletise asiasi ane i luga o lau komipiuta mo nisi fa’amatalaga. www.stopsmartmeters.org.nz

Fesili:         Ua ou lagonaina ni fa’afitauli i lo’u ola maloloina talu ona uma ona fa’apipi’i le “mita fou maoa’e” i lo’u fale. E mafai ona tu’ua’ina le “mita fou maoa’e” ona o nei fa’afitauli ua a’afia ai lo’u ola maloloina?

Tali:           O nisi tagata e faigofie ona a’afia mai le malosi fa’aatomika lea e fa’aaoga i microwaves ma maua ai i ma’iulu, tata fa’atopetope le fatu, ma le lelei le moe pe afai e iai se “mita fou maoa’e” i o latou fale. Peita’i e tatau lava ona asiasi atu i lau foma’i pe a iai ni fa’ailoga fou ina ne’i iai nisi mafua’aga.

Fesili:         Ua ou fa’alogo e mafai ona fa’atupu mai se mu po’o se afi i “mita fou maoa’e” nei. E moni lea manatu?

Tali:                                                        Ua iai ni  ripoti mai Ausetalia ma Niu Sila e fa’apea ua mu “mita fou maoa’e” ma o isi ua avea ma ni afi ua mu leaga ai fale.  http://stopsmartmeters.com.au/2012/05/11/smart-meter-linked-to-house-fire-geelong/

 

http://stopsmartmeters.com.au/2012/05/19/northcote-fire-questions-safety-of-smart-meters-emergency-services/

 

http://www.3news.co.nz/Fire-prone-meter-boxes-causing-concern/tabid/423/articleID/159133/Default.aspx

Fesili:         O a sini autu o le www.stopsmartmeters.org.nz

Tali:           O sini o lenei fa’alapotopotoga “Taofia mita fou maoa’e”

1)   E fa’ailoa atu i tagata Niu Sila le fa’afitauli e o’o i le soifua maloloina o tagata e maua mai i le malosi fa’aatomika e maua mai i “mita fou maoa’e.”

2)   E fa’alototetele tagata Niu Sila ina ia te’ena le fa’aaogaina o “mita fou maoa’e” aua e fai ma ‘auala e lamatia ai lo tatou ola maloloina.

Fesili:         E fa’apefea ona ou fesoasoani?

Tali:           Fa’amolemole kopi ane lenei fa’asalalauga ma tufa atu i tagata o lou aiga, o au uo, ma e tou te faigaluega, ma tu’u ane i pusa meli i le pitonu’u o lo’o e alala ai, ma nofoaga e potopoto ai tagata e pei o falesa, faletusi, ma fale’aiga. O lenei fa’asalalauga e mafai ona maua mai i le komipiuta. www.stopsmartmeters.org.nz         E maua fo’i ma nisi fa’amatalaga e mafai ona fa’asoa atu.

Saini ane lou suafa i le lisi lena e imeli atu ai nisi fa’amatalaga fou.

%d bloggers like this: